Mapatta-patta nga umabot iti P525,000 dagiti nauram a sanikua ken dagiti motorsiklo idiay Sitio Upper Zigzag, Barangay Malaya, Cervantes.
Nabigbig ti akinkukua iti pagtaengan a ni Arnold Delmas Agusdan Jr., agtawen iti tallopulo ket dua, agnaed iti nasao a lugar.
Iti pannaki-uman ti Bombo Radyo Vigan ken ni SFO4 Darius Calpo iti Cervantes Fire Station, P350,000 dagiti nauram manipud iti pagtaengan ken P175,000 met dagiti 4 a motorsiklo a nairaman.
Nangrugi ti uram iti electrical system ti pagtaengan ta agawan-awan idi iti koriente iti dayta a tiempo.
Nakadanon dagiti nagresponde a kameng ti BFP iti 8:40 iti rabii ket nadepdep met ti uram iti 9:00 iti rabii.
Naaramid laeng iti light materials ti pagtaengan isu a nadaras a nagkayamkam ti apoy.
Nupay kasta, awan ti nadangran iti napasamak.
