VIGAN CITY – Kiniddaw ni Governor Ryan Singson iti panagtitinulong ti amin nga umili ditoy probinsya tapno bumaba iti bilang iti kaso iti sakit a dengue.
Segun kenni Singson, masapul nga ipakammu kadagiti opisyal iti barangay ken ili no adda dagiti mapapati a biktima ti sakit tapnu insigida a maaksyunan ken saanen a kumaro wennu umadu pay iti maapektaran.
Madanagan iti gobernador ta umad-adu ti bilang dagiti na-dengue ditoy probinsiya ket kinunana, nu agtultuloy latta iti iyaadu da, posible a maideklerar met iti state of calamity gapu ti nasao a sakit ditoy probinsiya.
Kabayatanna, kinuna met ni Engineer. John Foz ti Departmen of Health Ilocos Sur a kumpara iti nadumaduma a rehiyon ket ditoy rehiyon uno iti nakairekordan iti nababa a kaso ken pannakatay gapu ti dengue, nangruna ditoy probinsiya.
Ti agdama a rekord ti DOH , umaboten iti sangaribo dua gasut sangapulo ket dua iti bilang dagiti na-dengue ditoy Ilocos Sur.
