Impasigurado ni Senate President Pro Tempore Sherwin Gatchalian a target ti gobierno a mangted ti kumpleto a libro tunggal estudyante iti pampubliko a pagadalan pra iti amin a subject ita nga School Year 2026-2027.
Pinasingkedan ni Senador Gatchalian a nakaipalaon iti 2026 national budget ti pondo a pagkasapulan tapno maaramid ken maaddaan ti libro para iti tunggal estyudante.
Nagilatang ti gobierno ti P19.5 bilyon ita a tawen para iti panaggatang dagiti libro ken dadduma pay nga instructional materials.
Dakdakkel daytoy no ikumpara iti kadawyan a pondo a mailatang iti kapada a gagem manipud 2021 agingga 2025 nga umabot iti P5.47 bilyon kada tawen.
Pinasingkedan ni Gatchalian a napateg a marisut saan laeng dagiti kasapulan kadagiti classroom ngem uray pay ti kinakurang iti masapul ti panagisuro a direkta a makaapekto iti pannakasursuro dagiti estudyante.
Namnamaen ti senador a babaen iti dakdakkel a pondo para kadagiti libro ken dadduma pay nga instructional materials ket mapasayaat ti access dagiti estudyante iti napapateg nga alikamen iti panagbasa ken makatulong iti panangpa-ngato ti kalidad ti edukasion iti pagilian.
