Nangipila ni Senador Erwin Tulfo ti gakat a mangted ti interest-free loan kadagiti overseas Filipino workers tapno masuposopan ti pre-departure requirements da ken maliklikan ti pannakailomlom iti utang sakbay da a makapanaw ti pagilian.
Iti salinong ti Senate Bill No. 1696 wenno “OFW Pre-Employment Loan Assistance Act”, mabalin a makabulod agingga P100, 000 ti maysa nga OFW nga adda ti husto a kontrata ti trabaho.
Priyoridad ti programa dagiti first-time OFWs a kasapulan a dumalan iti libre a financial literacy seminar sakbay a pumanaw iti pagilian.
Segun ken ni Tulfo, binilyon a dolyar ti kontribusion dagiti mangmangged a Pilipino idiay ballasiw-taaw iti ekonomiya ngem adu latta ti mapilitan nga umutang ti adda dakkel nga interest na tapno mabayadan ti placement fees, medical examination, training, passport, visa, plete ken dadduma pay.
