Impasigurado ti gobierno ti dagus ken buo a suporta para iti 112 nga Overseas Filipino Workers ken dagiti dependent da a nagawid dituy pagilian manipud Dubai, United Arab Emirates.
Daytoy ket babaen iti panangipaay ti comprehensive assistance package idi adda da pay laeng iti airport.
Iti panagtinnulong ti Overseas Workers Welfare Administration ken Department of Migrant Workers, dagus a nasabet ken na-asikaso dagiti Pilipino a naglugan ti Emirates Flight EK334.
Manipud iti airport, natalged a naiyakar dagiti pasahero iti maysa nga holding area iti pasilidad ti DTI-PTTC tapno matulongan ken dumalan iti inisyal a panag-proseso.
Segun ti ahensia, naikkan dagiti nagawid a Pilipino ti special financial assistance ken libre a taraon bayat nga agur-uray iti lugar.
