Inaprubaranen ti House of Representatives of the Philippines iti 3rd ken final reading ti House Bill No. 8418 a mangted bileg ken ni Presidente Ferdinand “Bongbong” Marcos Jr. a temporario nga ikkatan wenno suspensoen ti excise tax kadagiti produkto petrolyo no adda ti world crisis iti ekonomiya.
Nakaala ti gakat ti 247 a pabor, tallo ti saan nga immanamong ket awan ti nag-abstain.
Segun ken ni House Majority Leader Ferdinand Alexander “Sandro” Marcos, gagem ti gakat a dagus a makatulong iti publiko no ngumatngato ti presio ti produkto petrolyo iti world market a mangitunda ti panagngato ti plete, presio ti taraon ken kuryente.
Iti salinong ti gakat, mabalin nga ikkaten ti Presidente ti agingga P10 kada litro ti excise tax iti gasolina ken P6 iti diesel no ti presio ti krudo ket umabot wenno lumbes iti $80 kada bariles wenno no adda ti naideklarar a national emergency.
Ti suspension to panagkissay ti buwis ket posible nga agbayag ti agingga innem a bulan ken mabalin nga usaren ti presidente ti bileg na ti agingga Disiembre 31, 2028.
