Agtaltalinaed a determinado ti Bureau of Customs (BOC) a magun-od iti target collection-da a P1 trillion ita a tawen uray pagpampanunotan iti gobierno iti panangsuspenso wenno panangkissay ti excise tax tapno matulongan dagiti aggatang nga apektado iti ngumin-ngina a presyo iti langis gapu iti krisis idiay Middile East.
Segun ken ni Customs Commissioner Ariel Nepomuceno, posible a makaapektar ti nasao nga addang iti pastrek iti ahensya.
No pay kasta ket suportaran latta ti BOC ti gakat ta makatulong dayta tapno makissayan ti pinansyal a pagrigatan dagiti umili.
Inlawlawagna a maibasar iti masansan a koleksyon, ti excise tax ket mangipapaay iti nasurok-kumurang P200 billion agingga P240 billion kada tawen wenno P18 billion agingga P20 billion kada bulan.
