Sinuspenso ni President Ferdinand Marcos Jr. ti excise tax iti liquefied petroleum gas ken kerosene kalpasan nga umabot iti $99.41 kada bariles ti presyo ti Dubai crude Oil.
Iti salinong iti executive Order no. 125, temporario a maikkat ti excise tax ti LPG, kalaksidan na laeng nu daytoy ket mausar kas raw materials para iti petrochemical products.
Karaman ti suspension ti kerosene, kalaksidan na laeng nu maaramat daytoy kas aviation fuel.
Inrekomenda ti Development budget coordination committee ti addang kalpasan nga i-certify ti Department of Energy nga umabot iti $99.41 ti kada bariles ti presyo iti Dubai Crude oil segun ti mean of Platts ti Singapore iti napalabas a 30 nga aldaw.
Repasoen ti DBCC ken DOE ti suspension kalpasan ti 15 nga aldaw ken binulan kalpasan na daytoy.
Mabalin nga irekomendar ti presidente ti pannaka ituloy, pannakabalbaliw, pannakapaatiddog wenno pannakaiyatiddog ken pannakaisardeng ti suspension.
Naibilin met ti DOE ken Department of Finance a mangisayangkat iti imbentario dagiti naka stock nga LPG ken kerosene sakbay nga agbalin nga epektibo ti order.
