Pinasingkedan ni Energy Secretary Sharon Garin nga adda umanay a suplay ti liquefied petroleum gas (LPG) ken kerosene iti pagilian kasaruno ti pannangikkat ti excise tax iti nasao a produkto petrolyo.
Segun ken ni Garin. Adda tallopulo ket innem nga aldaw a suplay iti LPG ken 105 nga aldaw iti kerosene iti Pilipinas.
Umabot met iti uppat a pulo na aldaw ti suplay ti diesel idinto a limapulo ket uppat nga aldaw ti gasolina.
Manamnama pay a ngumato ti nasurok-kumurang limapulo nga aldaw ti suplay ti LPG kalpasan ti nayon a nagatang kadua ti Philippine National Oil Company (PNOC) ken sumagmamano a kompania iti langis idi Lunes.
Kinuna ni Garin a napintas met ti suplay level ngem agdepende dayta no ania iti mapasamak iti Strait of Hormuz ken no ania iti available nga oil iti dadduma a pagilian.
Siguradoen ti secretary a saan nga insigida a maibus ti suplay ngem napateg dayta para iti agtultuloy a replenishment iti imbentaryo.
