--Ads--
Impila ni House Majority Leader Sandro Marcos ti House Bill No. 3661 a gandat-na a mangiparit kadagiti kabagian iti opisial ti gobierno aginggga fourth civil degree a makaala ti kontrata wenno proyekto ti gobierno.
Ti gakat ket sungbat ti nabayagen nga alegasion ti nepotismo, padrino system, ken korapsion ti pagilian.
Pinasingkedan ni Marcos nga ti pondo ti gobierno ket para iti publiko ken saan nga usaren dagiti opisial iti personal nga interes.
Mamati pay ni Marcos nga ti gakat ket addang para iti gobierno a patas, nalawlawag ken husto para kadagiti tattao.
-- ADVERTISEMENT --
Innayonna pay nga ti panagbalin a lider ket saan laeng a maipanggep ti popularidad ngem iti panagpili ti husto uray saan a nadaras. – Reynand Fontejon
