Gagem a makatulong ti maysa a tricycle driver nu apay a mangididiaya ti libreng sakay kadagiti delegate kagiddan ti 2025 Palarong Pambansa idiay Laoag City, Ilocos Norte.
Iti pannaki-uman ti Bombo Radyo Vigan ken ni Gemarson Vidad Orque manipod Laoag City, Ilocos Norte, saanna a pampanunoten iti aniaman a kasukat iti ububraenna ta patienna a nu ti talaga a gagem ket tumulong ket awan ti sabali a banag a panunotenen.
Segun ken ni Orque, numan pay makiboun-boundary laeng ket saan a nagdudua a nangidaya ti libre a sakay iti city proper.
Adu dagiti nangdayaw iti kinasayaat nga ar-aramidenna isu nga adda payen dagiti mangipapaay kenkuana iti nayon a tulong tapno maiserbi kadagiti delegates.
Pakaragsakanna pay iti panangdayaw kenkuana dagiti delegates ta iti baet a napudot iti panniempo ket naigiddan met ti nabara a panangwatda kadakuada.
VIDEO – GEMARSON VIDAD ORQUE
