Nabara a pinasangbayan ti Filipino community idiay Chicago dagiti supsuportaranda a Democrat candidates iti uppat nga aldaw a National Democratic Convention idiay Chicago.
Napili ti Chicago a kas venue ta isu ti pinagbobotosan dagiti miembro ti Democratic party, maibilang pay a historical ta ditoy ti naggapuan dagiti dadduma a lider.
Ti convention ket dinar-ayan da President Joe Biden, dati a US President Barrack Obama, dagiti senador, kongresista ken sheriff.
Nasurok kumurang limapulo a ribo a tattao met ti nakipaset iti convention.
Iti pannaki-uman ti Bombo Radyo Vigan ken ni Bombo International News Correspondent ken ni Gabriel Ortigoza, amin dagiti supporter a nakipaset ket nabara ti panangpasangbayda agsipud ta patienda nga adda dagiti kandidato manipud Democratic party a kabaelanna ti manglaban kadagiti kandidato manipud iti Republican party.
Innayonna nga adda met dagiti Republican Party a nakipaset ngem ad-adu latta dagiti Democrats.
Saan laeng a dagiti secret service ti mangipaspasigurado iti seguridad ti event ta uray pay dagiti intelligence community service ket nainget a nakabantay.
Kagiddan ti pannakaisayangkat ti event, adda met dagiti nagprotesta kadagiti pagadalan, unibersidad ken iti mismo a venue ta ipampanawaganda ti pannakaisubli dagiti nakidnap idiay Gaza ken ti kapia iti nagbaetan ti Hamas ken Israel.
