--Ads--
Suspendido ti face-to-face classes iti amin a lebel iti agpada a pampubliko ken pribado a pagadalan idiay Manila ita nga aldaw, Setyembre 21, kagiddan ti selebrasion iti maika-54 nga anibersaryo ti deklarasion ti Martial Law.
Naipatungpal ti suspension kas addanf iti panagannad dagiti estudyante gapu iti manamnama a panagisayangkat dagiti makipaset ti aktibidad ken kilos-protesta.
Segun iti bilin ni Manila Mayor Isko Moreno Domagoso, naisayangkat ti addang kasaruno ti rekomendasion ti Manila Police District (MPD), a nagbalaag ti posible nga epekto dagiti aktibidad iti taray ti trapiko ken sitwasion iti sumagmamano a lugar idiay Manila.
Nabalakadan dagiti pagadalan nga ituloy ti panagbasa babaen iti Alternative Delivery Mode (ADM).
-- ADVERTISEMENT --
