Nangiruar ni Presidente Ferdinand Marcos Jr. ti baro nga Executive Order (EO) a mangikeddeng dagiti pagannurotan iti panangsuspenso ken panagsubli ti klase, dagiti aktibidad ti pagadalan, ken on-site work kadagiti institusion a panag-edukasion ken learning centers.
Iti salinong ti baro a bilin, mabalin nga otomatiko a maipatungpal ti suspension ken panagsubli ti klase ken on-site work basar kadagiti naikeddeng a teknikal a pagibasaran.
Mabalin pay mangipatungpal ni presidente Marcos ti Executive Order No. 130 a mangikeddeng ti baro a patakaran iti suspension, panagsubli ti face-to-face classes, school activities ken on-site work kadagiti pampubliko ken pribado a pagadalan.
Iti salinong ti baro a pagannurotan, mabalin nga agdesision dagiti pagadalan a suspensoen ti face-to-face classes basar iti aktwak a peggad iti kinatalged dagiti estudyante ken opisial, no awan ti suspension manipud iti national government wenno lokal a gobierno.
