--Ads--
Nakappia ken natalna ti sitwasion iti uneg ti Malacañang complex iti baet ti kilos protesta iti Mendiola ken dadduma pay a lugar kagiddan ti anibersaryo ti deklarasion ti Martial Law.
Uray no nakarikep dagiti dua a gate iti Malacañang complex, saan a marikna dagiti agindeg ti mapaspasamak iti ruar ken normal ti sitwasion, ken arigna awan dagiti lugan a makastrek gapu ta nakarikep dagiti opisina.
Arigna awan pay ti makita nga agindeg iti ruar ken nadalus iti paset ti J.P. Laurel manipud kadagiti tao wenno dagiti pribado ken pampubliko a lugan.
Naka-heightened alert ti Malacañang complex ken nainget ti seguridad tapno masigurado ti kinaurnos kontra kadagiti grupo nga aggangandat a mangriribuk iti lugar.
-- ADVERTISEMENT --
