Imbilin ti Energy Regulatory Commission (ERC) iti amin a distribution utilities iti pagilian iti panangsuspenso ti electricity service disconnections kadagiti residential ken non-residential consumer para ti billing period manipod Mayo agingga Hulyo 2026.
Inruar ti ERC ti bilin para kadagiti consumer relief measures kalpasan a naideklarar ti State of National Energy Emergency gapu iti riribok idiay Middle East ken posible a peggad iti kinatibker iti suplay iti enerhiya iti pagilian.
Kadagiti pagtaengan a ti konsumona ket nasurok 200 kilowatt-hours kada bulan ket mapalubosanda nga agbayad iti bill-da iti staggerd basis wenno hulugan.
Dayta ket rumbeng a magudua iti saan a nababbaba iti tallo a bulan manipod idi maawat ti bill.
Awan ti nayon nga interest wenno penalty para kadagiti kualipikado a consumer iti salinong ti payment scheme.
Para met kadagiti consumer a kabaelanna iti agbayad iti buo a bill iti husto nga oras, maal-allukoyda a mangaramid dayta.
