Idurduron ti Energy Regulatory Commission (ERC) ti panangikkat ti 12% value-added tax (VAT) iti system loss charges a mabalin a makatiped kadagiti consumer iti mapatta-patta a P6 billion kada tawen.
Iti draft resolution, insingasing ti ERC a saan a mairaman ti taxable gross receipts dagiti generation company ken ti National Grid Corporation of the Philippines ti system loss charges.
No kas bilang maaprubaran ken makumpirmaran ti Bureau of Internal Revenue (BIR), kasapulan nga agsina nga ipakita iti electric bill ti system loss charge kas government-mandated pass-through cost a saan a karaman iti VAT.
Segun ti ERC, gagemda a mapalaka ti presyo ti kuryente para kadagiti pagtaengan ken negosyo.
Mapatta-patta a P50 billion kada tawen ti system loss charges isu a posible nga umabot iti P6 billion ti matiped no maikkat ti corresponding VAT.
