Impila ti Kamara ti agsina a gakat a gagem nga ikkaten ti 12 percent value added tax iti sumagmamano a partikular a singir iti kuryente.
Pakairamanan daytoy ti system loss fees, ken konsumo dagiti residential a pamilia tapno maikkan ti dagus a kinawaya kadagiti consumer.
Impila da Marikina 2nd District Rep. Miro Quimbo ken Senior Deputy Speaker Ferdinand Hernandez ti House Bill No. 10602, gagem na nga i-exempt iti 12% VAT dagiti recoverable distribution system loss charges a rumrummuar kadagiti mabayadan iti kuryente.
Gagem pay ti gakat nga amyendaran ti section 109 ti National Internal Revenue Code ti 1997 tapno ikkaten ti buwis kadagiti singir ti kuryente iti system loss nga inaprubaran ti Energy Regulatory Commission.
Kabayatanna, idurduron met ni Navotas Rep. Toby Tiangco ang House Bill No. 10548, a gagem na nga ikkaten ti 12$ VAT kadagiti residente nga agkon-konsumo laeng ti 400 kilowatt-hour wenno nababbaba kada bulan.
Iti salinong ti gakat, automatiko a maiparit dagiti kwalipikado a consumer ti VAT exemption nga awan ti kasapulan a proseso wenno aplikasion.
