VIGAN CITY – Makikinkinnammayeten ti Nueva Segovia Consortium of Cooperatives (NSCC) kadagiti naduma-duma nga ahensya iti gobyerno tapnu mapagawid dagiti empleyado da a taga- Ilocos Sur nga adda kadagiti naduma-duma a probinsiya.
Dayta ket iti laksid nga addan iti napagawid da a naggapu idiay Pangasinan.
Kayat ni NSCC Chief Executive Officer Dr. Divina Quemi a maikkan ti travel pass dagiti naapektaran nga empleyado iti enhanced community quarantine ta kayatda latta met a masurot iti usto a proseso iti kangitingitan ti nainget a checkpoint kadagiti nadumaduma a lugar.
Kabayatanna, isagsagana dan dagiti ited da a tulong kadagiti empleyado kas koma kadagiti relief pack ken dagiti hygiene products kas ti alcohol tapno maliklikan ti panagraira ti COVID-19.
