Impakaammo ti Government Service Insurance System (GSIS) a mangipaayda ti emergency laon kadagiti miembro ken pensioner idiay Cebu kalpasan ti magnitude 6.9 a ginggined a timmama idiay Bogo City ken kaasidegna a lugar.
Segun ken ni GSIS President at General Manager Wick Veloso, kadua ti GSIS dagiti kameng ken retirado iti gobierno iti Cebu ken nakasaganada a mangipaay iti insigida a tulong pinansyal.
Mabalin nga umutang iti agingga P40,000 dagiti addaan iti agdama nga emergency loan ken agingga P20,000 kadagiti awan iti utangna.
Mabayadan dayta iti uneg iti 36 a bulan nga adda 6% interest-na kada tawen ken mangrugi iti umuna a bayad kalpasan iti tallo a bulan.
Maideposito iti loan a direkta iti ATM cards dagiti benepisyaryo.
Mabalin nga ag-apply babaen ti GSIS Touch mobile app, GWAPS kiosk wenno GSIS e-service portals.
Siguradoen ni Veloso a makikamkammayet iti GSIS kadagiti LGU ken branch-da idiay Cebu tapno masigurado nga agtultuloy iti serbisyo para iti claims, benepisyo ken dadduma pay a programa.
