Pinasingkedan ni President Ferdinand Marcos Jr. a rumbeng nga agtalinaed nga epektibo ti postponement iti P8.7 billion rehabilitation iti Epifanio delos Santos Avenue (EDSA) agingga a maisingasing ti solid rerouting plan ken rumbeng a nakasagana dagiti local government units.
Segun ken ni Marcos, maysa kadagiti pagpokpokosanna iti napalpalabas a lawas ket ti transportasyon.
Immunan nga impakaammona ti temporary a pannakasuspenso iti EDSA rebuilding program ket napaut unay iti dua a tawen tapno taktaken dagiti Pilipino.
Kinuna ti president a nagdesisyon gapu iti danag dagiti commuter mainaig ti pannakariribokda iti rehabilitasyon, a rumbeng koma a mangrugi iti mid-June.
Pinasingkedan met ni Transportation Secretary Vince Dizon a binilin ida ni Marcos a maaddaan ti revamp iti plano ita a bulan.
Gagem ti EDSA rehabilitation a masimpa iti 23.9 kilometer southbound ken northbound lanes a mangsakup iti duagasut a kilometro iti lanes.
VIDEO – PRESIDENT FERDINAND MARCOS JR. – EDSA
