Dakkel a yaman iti Caoayan Municipal Police Station iti pannakaipaay kadakuada iti E-Car nga ar-aramatenda kas police patrol car iti ili ti Caoayan, Ilocos Sur.
Iti pannaki-uman ti Bombo Radyo Vigan ken ni PCpt. Lyka Bayasbas, ipaaramat pay laeng kadakuada ti Caoayan local government unit iti maysa nga E-Car a dakkel a tulong ita a kangina iti presyo iti gasolina gapu iti rinnupak a mapaspasamak idiay Middle East.
Segun ken ni Bayasbas, nasurok maysa nga aldaw iti pannaka-aramatda iti nasao a lugan sakbay a malowbat, ket iti kapaut iti pannaka-charge na ket walo nga oras.
Iti baet nga adda naipaay nga E-Car ket saan laeng nga isu iti maar-aramat ta no kadagiti adayo a barangay iti ili ket ti Police Patrol Car latta iti mausar.
Namnamaenna nga addanto pay nayon a maipaay iti LGU kadakuada tapno ad-adu iti maaramat dagiti miembroda.
