Dua nga estudyante ti nakemmeg kalpasan a natiliwanda nga agar-aramat ti marijuana iti Barangay Oaig-daya siudad ti Candon.
Dagiti estudyante ket agtawen iti duapulo ket maysa, residente iti ili ti Sta. Cruz, ken agtawen iti duapulo ket tallo a residente iti ili ti San Esteban.
Iti pannakiuman ti Bombo Radyo Vigan ken PLT. Jovelyn Antalan, adda naawatda a tawag mainaig iti pot session iti nadakamat a lugar isu a nagresponde a dagus dagiti pannakabagi ti linteg ti Candon City ket na-aktoanda nga agar-aramat dagiti estudyante iti marijuana iti maysa a boarding house.
Ti drug evidence a nakompiskar ket maysa a self-sealing transparent plastic sachet a naglaon ti maysa a gramo ti marijuana nga aggatad ti P120.
Dagiti met naala a non-drug evidence ket pakairamanan ti bond paper, dua a cellphone, lighter, tickler, ken personal money nga aggatad ti P169.
Dagiti suspek ken dagiti naala nga ebidensia ket adda iti kustodiya ti Candon City Police Station para ti imbestigasion ken proper disposition.
