Nakemmeg dagiti 2 a wanted person iti Candon City, Ilocos Sur babaen iti warrant of arrest.
Iti Barangay San Nicolas, Candon City, nakemmeg ti maysa a lalaki nga agtawen iti uppat a pulo, agnaed iti nasao a lugar.
Sumangsango daytoy iti kaso a Reckless Imprudence Resulting in Homicide and Damage to Property ken nairekomendaran iti piansa a P36,000 para iti pannaka-wayawayana.
Nakakustodian ti akusado iti San Esteban Municipal Police Station nga isu ti nangisayangkat iti operasion.
Kabayatanna, idiay met Barangay Paypayad ti nakakemmegan ti lalaki nga agtawen iti tallopulo ket innem, agnaed iti nasao a lugar.
Sumangsango daytoy iti kaso nga Attempted Homicide, ken nairekomendaran iti P36,000 a piansa para iti pannaka-wayawayana.
Nakakustodian ti akusado iti Candon City Police Station para iti idadalanna iti husto a proseso.
