VIGAN CITY – Binigbigen dagiti kameng ti Vigan City Police Station ti dua kadagiti uppat a suspek iti panagtakawan ti 2 Brothers idi December 26 ket sangwendan ti naipila a kaso kontra kadakuada.
Ti pannaki-uman ti Bombo Radyo Vigan ken ni PCMSGT. Chester Dandin, chief investigator, dagiti suspek ket da Crispin Dangiucan Ongican nga agnaed idiay Brgy. Virac, Itogon, Benguet a datin nga adda kasona ti motornapping ken robbery idinto a ni Erlileo Parel Afos nga agnaed idiay Brgy. Macarcaramay, Peñarubia, Abra ket adda sigud a kasona a panaglabsing ti Republic Act 9262.
Ti lugan a nauram ket isu iti nagserbi a tulbek tapnu matunton da nu siasino ti akin-kukua ken nu siasino ti maysa kadagiti nakasoan a suspek iti panagtakawan.
Ti nasao a lugan ket kukua ti taga La Paz, Abra ngem nailako nan idi pay laeng November 2019 ket naitudo na nu siasino iti gimmatang nga isu ti maysa kadagiti suspek.
Dagiti adda iti ruar ti pagtagilakuan a mapapati a lookout ket saanda a karaman iti insidente agsipud ta patta-pattaenda a pinasurot ida dagiti suspek tapno saanda a mapan agipulong kadagiti pulis.
Ti agdama, saan pay laeng a maibaga no adda iti inside job a napasamak.
