VIGAN CITY – Nagkikinamayet ti pwersa ti San Esteban Police Station ken Sta Cruz Police Station a nangkemmeg ti wanted person a ni Jerry Doctolero Lucas alyas Tikboy, agtawen ti dua pulo ket uppat, mangngalap ken tubo ti Brgy. Dili, Sta Cruz ngem agdama nga agnanaed idiay Brgy. Apatot, San Esteban.
Sumangsango ni Lucas iti kaso nga Attempted Homicide kas maibasar iti warrant of arrest nga inparuwar ni Hon Vida A. Cortez-Jimeno, Acting Presiding Judge ti 11th Municipal Circuit Trial Court- Sta Cruz ken Sta Lucia.
Kabayatanna, idiay Brgy. Man-Atong, Suyo, nakemmeg met ti wanted a ni Casimiro Singlitan Gumpac nga agtawen ti innem a pulo ket dua, balo, mannalon ken agnaed iti nasao a lugar.
Ni Casimiro ket sumangsango iti Rape by Sexual Assault in relation to Republic Act 7610 ket nakemmeg isuna babaen iti warant of arrest nga inparuwar ni Hon Judge Mario Anacleto Banez ti Regional Trial Court Branch 25, Tagudin.
