VIGAN CITY – Nagballaag ni Department of Social Welfare and Development (DSWD) Secretary Rex Gatchalian kontra kadagiti opisyal ti barangay a manggungundaway kadagiti kuarta nga ayuda para kadagiti kalugaranda .
Ti addang ket kalpasan a nakaawatda ti report nga adda benepisyaryo ti cash assistance idiay Davao Del Sur nga imbes a sangapulo a ribo a pisos ti awaten na ket nagbalin laeng a 1,500 kalpasan a napan kadagiti opisyal ti barangay ti 8,500 pesos a kuarta.
Maibilang nga “isolated” ti napasamak idiay Davao del Sur ngem inpasigurado ni Gatchalian nga agipasa ti reklamo ti DSWD kontra kadagiti karaman nga opisyal ti barangay.
Inlawlawag ni Gatchalian a saan nga ayan iti iti payout center ti DSWD a napasamak a panangkissay ti nasao a cash assistance a naiwaras .
Alallukuyenna met iti siasinoman a makapadas iti napasamak nga insidente nga ireport a sigod iti DSWD.
