Naipaayen ti Department of Social Welfare and Development (DSWD) ti nasurok P202 million a gatad ti tulong kadagiti pamilia a naapektaran ti napalabas a didigra pakairamanan ti Tropical Depression Bising, ti intertropical convergence zone ken ti volcanic activities iti Mt. Kanlaon.
Segun ken ni Disaster Response Management Bureau Director Maria Isabel Lanada iti DSWD, naipatuloden ti ahensya ti nasurok 167,000 a karton ti family food packs (FFPs) ken non-food items kadagiti pamilia a naapektaran iti didigra iti agduduma a rehion.
Kinunana nga P8.5 million iti pakabuklan a naipaay a tulong a ti P1.7 million ket para kadagiti naapektaran a pamilia iti ITCZ ken P192 million assistance kadagiti naapektaran ti aktibidad ti Bulkang Kanlaon.
Ti DSWD assistance ket pakairamanan ti FFPs ken essential non-food items kas ti sleeping ken hygiene kits ken kitchen sets.
