Nangrugin ti Department of Social Welfare and Development (DSWD) Field Office 3-Central Luzon ti distribusyon iti nasurok P348.75 million nga Emergency Cash Transfer (ECT) iti nasurok 62,000 a pamilia a naapektaran ti Super Typhoon Carina idi July 2024.
Nangrugi ti Emergency Cash Transfer payouts kadagiti ili ti Abucay idiay Bataan ken idiay Arayat ken Candaba idiay Pampanga ken agtultuloy agingga umuna a lawas iti Hulyo.
Segun ken ni Assistant Secretary Irene Dumlao iti Disaster Response Management Group (DRMG) iti DSWD, kas iti bilin ni President Ferdinand Marcos Jr. ket saan a mabalin a mangipaay ti relief goods bayat ken kalpasan iti bagyo.
Kasapulan pay a masubaybayan ken tulongan dagiti naapektaran a pamilia agingga maka-recover wenno makabangonda manen.
Agtultuloy iti ahensya iti panangted ti tulong kadagiti umili a nadidigra iti bagyo ta kayatda a marikna nga addada a makikaysa iti panagbangonda.
Tunggal benepisyaryo ket makaawat ti P5,625 a mabalin a maaramatda para kadagiti kangrunaan a kasapulanda a kas ti taraon, mainom a danum, agas ken dadduma pay.
Impasigurado ti DSWD ti nainget a security measures a maipatungpal kadagiti payout site babaen ti suportar manipod Provincial and Local Disaster Risk Reduction and Management Offices ken ti Philippine National Police.
