--Ads--
VIGAN CITY – Dunor iti ulo ti sinagrap ti maysa a lalaki a nagmaneho iti motorsiklo gapu iti pannaka-aksidentena idiay Barangay Bacar, Magsingal, Ilocos Sur.
Nabigbig ti drayber a ni Joshua Ursua Tabuso, agtawen iti duapulo ket maysa, estudiante, taga-San Vicente, Magsingal, minanehona ti Yamaha NMAX.
Agpapadaya ti motorsiklo ket idi madanunna ti nakapasamakan ti insidente, naawanan ti kontrol ti drayber iti manibela ti luganna ket naipan iti kataltalunan.
Gapu dayta, nadunor ti ulona ket naipaagas iti Ilocos Sur District Hospital, Magsingal babaen kadagiti nagresponde a kameng ti Philippine National Police ken Bureau of Fire Protection para iti naan-anay a pannakatamingna.
-- ADVERTISEMENT --
Natakuatan a ti drayber ket nakainom idi mapasamak ti aksidente.
