Maysa a drayber ti nadangran iti aksidente a napasamak idiay Barangay Villa Garcia, Sta. Cruz, Ilocos Sur.
Nabigbig ti nagmaneho iti SUV a ni Xyler Paul Damugay Caoayan, agtawen iti duapulo ket maysa, taga-Dalicno, Ampucao, Itogon, Benguet.
Ti met nagmaneho iti kurong-kurong a ni Sonny Boy Rulloda Pascual, agtawen iti duapulo ket siam, taga-Barangay Bimmanga, Tagudin.
Maibasar iti CCTV footage, agpapa-abagatan ti SUV idin ta nagsikko ken nagsardeng iti soutbound lane, ta ur-urayenna a makalabas dagiti lugan, idin ta nadungpar daytoy ti agpa-abagatan a kurong-kurong.
Gapu dayta, natukkol ti akin-kannawan a saka ti nagmaneho iti kurong-kurong idinto a saan a naan-ano ti drayber ti SUV.
Nakainom ti drayber ti kurong-kurong idi napasamak ti aksidente.
