--Ads--
Nadunor ti maysa a drayber gapu iti panagdinnungpar ti motorsiklo ken ambulansya iti provincial road ti Barangay Poblacion Norte, Sta. Maria, Ilocos Sur.
Nabigbig ti drayber ti Yamaha Mio a motorsiklo a ni Mark Roland Hufana Tuscano, agtawen iti duapulo ket maysa, taga-Barangay Poblacion Sur.
Ti met drayber ti ambulansya ket ni Jhay Francis Dela Cruz Escobar, agtawen iti duapulo ket siam, taga-Barangay Laslasong Norte.
Segun ken ni Pat. Lester John Damasco, DUTY HIPAD, simrek iti national highway nga awan ti senyalna ti napaspas patarayna a motorsiklo iti national highway isu a nagdinnungparda ti agpapalaud nga ambulansya.
-- ADVERTISEMENT --
Gapu iti dunor a sinagrap ti drayber ti motorsiklo ket naipaagas iti ospital para iti naan-anay a pannakatamingna.
