Manamnama nga umabot pay iti sangapulo a tawen ti natural gas nga isupsuplay iti pagilian ti Malampaya gas field idiay Palawan.
Segun ken ni Energy Secretary Sharon Garin, mayatiddog ti drilling iti Malampaya ken panangipaay ti drilling contracts para iti maikatlo a balon iti gas kalpasan nga inaprubaran ni President Ferdinand Marcos Jr.
Segun ken ni Garin, iti agdama ket makitkita dagiti eksperto ti napintas nga indikasyon ti kaadda ti source ti natural gas iti Camago-3 ken Malampaya East 1.
Saan laeng a marikna iti termino ti presidente ta uray iti sumaruno a henerasyon ken napaut a suplay ti natural gas iti pagilian.
Sakbay pay a malpas iti 2025 ket maamoan nu adda ti natural gas ti maikatlo a balon iti Bagong Pagasa 1.
Apaman a maammoan nu adda natural gas na ket makatawen laeng iti kasapulan tapno i-connect iti Malampaya platform, ken makaiteden iti nayon a suplay iti kuryente iti pagilian inton 2026.
