Pinasingkedan ti Department of Energy (DOE) nga imposiblen a maisubli ti P60/litro a presyo ti krudo ken gasolina gapu iti epekto ti rinnupak idiay Middle East.
Segun ken ni Energy Secretary Sharon Garin, dayta ket gapu kadagiti nagbalin nga structural damages maysa kadagiti kangrunaan nga epekto ti rinnupak iti rehiyon.
Impaganetgetna a saanda a sigurado no kaano a maisardeng ti rinnupak ken no kasano kapaut ti maipaay para iti panangpasimpa kadagiti oil-related facilities.
Kinuna ni Garin a no dua lawas laeng a nagpaut iti rinnupak ket posible a maisubli pay dagiti dati a presyo ngem gapu ta mano a lawasen iti napalabas ket saan a nadaras iti panangpalaka ti presyo dagit nasao a produkto.
Kabayatanna, iti baet dayta ket siguradoen ni Garin nga agtultuloy iti gobierno iti panagiwaras kadagiti fuel subsidies para kadagiti drivers nga apektado iti nangina a presyo ti petrolyo.
Malaksid dayta ket adda pay sabali a programa a mairusat tapno makissayan ti epekto tin angina a presyo ti krudo dagiti motorista kas iti panangipatungpal dagiti discounts para kadagiti jeepney drivers a makitkita a maited kadagiti tsuper iti tallo agingga uppat a bulan.
