Impalagip ti maysa nga opisyal ti Department of Energy (DOE) kadagiti negosyo iti price freeze kadagiti lugar a naideklarar ti state of calamity.
Segun ken ni Energy Assistant Secretary Mario Marasigan, nu adda dagiti lugar a maideklarar ti state of calamity ket rumbeng a maaddaanen ti price freeze a kayatna a sawen ket saan a mabalin nga ipangina ti presyo ti liquefied petroleum gas wenno LPG nangruna iti household iti uneg iti sangapulo ket lima nga aldaw.
Dagiti karaman ita a naipasidong ti state of calamity ket sumagmamano nga ili ken siudad iti Pangasinan, Antique ken Metro Manila a nangrugi idi napan a lawas.
Idi Martes ket naideklarar met iti state of calamity iti probinsia iti Cavite, Quezon City ken Calumpit, Bulacan.
Impasigurado ni Marasigan nga ikagumaan iti gobierno a tignayan iti aniaman nga epekto ti agtultloy a tudo gapu kadagiti bagyo ken habagat manipod pay idi napan a lawas.
