Impasigurado ti Department of Migrant Workers (DMW) ti full government support kadagiti siam a Pilipino a biktima iti human trafficking scheme idiay Laos kasaruno iti pannakaisalakanda.
Segun ken ni DMW Secretary Hans Leo Cacdac, siam a narescue a Pilipino a biktima ket karaman iti pitopulo ket tallo a Pilipino a biktima ti human trafficking a naisalakan manipod scam syndicates iti Golden Triangle Special Economic Zone, Bokeo Province idiay Laos.
Ipaay pay ti DMW ken dadduma nga ahensya ti financial assistance, psycho-social support, ken legal assistance ken dadduma pay a serbisyo kadagiti trafficking survivors.
Iti pakpakauna nga imbestigasyon, nakarian dagiti biktima nga agtrabaho kas customer service representatives idiay Thailand ngem napwersada a nagtrabaho nga scammer.
