--Ads--
Impasigurado ni Department of Public Works and Highways Secretary Vince Dizon nga aramaten ti ahensia iti nadalus ken husto a wagas ti P529.6 billion a pondo nga inaprubaran ti bicameral conference committee para iti 2026.
Uray no nabab-baba daytoy iti P881 billion nga orihinal a kiddaw ti DPWH, impaganetget ni Dizon a napatpateg ti integridad ti pondo ken ti husto a pannakaipatungpal dagiti proyekto.
Segun ken ni Dizon, amin iti nasao a badyet ket agbanag para kadagiti umili ken usarenda para iti husto a proyekto a makatulong kadakuada.
Nagyaman pay ti opisial iti Senado ken Kamara gapu iti naballigi a bicameral conference ken pannakaaprubar ti pondo para iti ahensia.
-- ADVERTISEMENT --
