--Ads--
Nagpalagip ti Department of the Interior and Local Government (DILG), a rumbeng nga agridam ti publiko kadagiti kriminal ken scammers kadagiti sementerio bayat ti pannakarambak ti Undas wenno All Saints’ Day ken All Souls’ Day.
Nagpanawagan ni Remulla kadagiti local government units (LGUs) a mangpaayab iti bukodda a Local Peace and Order Council para iti panagsagana iti kinatalged ken seguridad kadagiti sementerio, memorial park, ken simbaan.
Manamnama pay a mangikabilda kadagiti traffic enforcers, barangay tanod, Barangay Peacekeeping Action Teams (BPATs), medical personnel, ken dadduma pay a force multiplier iti uneg ti asideg dagiti maseknan a lugar.
