Nagpanawagan ni Senate President Sherwin Gatchalian kadagiti otoridad a siguradoen a natalged ken nasayaat ti panagisayangkat a panangkemmeg ken ni Senador Ronald Bato Dela Rosa.
Daytoy ket tapno maliklikan ti kinaranggas ken posible a pannakatay dagiti sibilyan ken operatiba.
Pinasingkedan ni Gatchalian a maspaul a masigurado ti kinatalged ni Dela Rosa ken dagiti law enforcer nga agisayangkat ti operasion, gapu ta napeggad dagituy a klase ti panangipatungpal ti linteg.
Impaganetget ti senador a masapul nga agbalin a nasayaat ti pannakakemmeg, kalpasan dagiti statement ti Department of the Interior and Local Government (DILG) a posible nga agresulta iti kinaranggas ti operasion.
Immunan nga imbutaktak ni DILG secretary Jonvic Remulla a posible nga umabot iti 10, 000 ti matay no piliten da a tiliwen ni senador Dela Rosa.
