Innallukoy ti Department of Foreign Affairs (DFA) dagiti Filipino nga adda idiay Kenya nga agannad gapu iti agtultuloy a panagwaras ti Mpox nga indeklara ti World Health Organization kas Public Health Emergency of International Concern.
Balakad ti DFA dagiti Filipino iti East Africa nga agtalinaedda nga updated ken nainget a surotenda dagiti addang a manglapped iti sakit, karaman ditan ti panangliklik iti pisikal a pannakilangen iti asinoman nga addaan kadagiti sintomas, saan a panangiggem kadagiti personal a sanikua dagiti naapektaran a tattao, ken regular a panagbuggo iti ima.
Inyunay-uny ti DFA ti kinapateg ti panangsurot kadagiti a pagannurotan tapno malapdan ti ad-adda pay a panagwaras ti sakit.
Nabiit pay nga indeklara ti Africa Centers for Disease Control ti Mpox kas Public Health Emergency ti Continental Security, ti umuna a deklarasionna sipud idi 2017.
