Nagpalagip ti Department of Education (DepEd) kadagiti pagadalan a maiparit ti panagsingir kadagiti nagannak ita nga agtultuloy ti enrollment agingga agleppas iti school year.
Segun ken ni Education Sec. Sonny Angara, ti addang ket kasaruno ti DepED Memorandum No. 41 series of 2024 wenno No Collection Policy.
Inlawlawag ti DepEd a saan a sakup ti polisiya ti membership fees ti PRC, Girl Scouts of the Philippines ken Boy Scouts of the Philippines.
Saan pay a sakup ti panangiparit ti konstribusyon dagiti nagannak, donors ken stakeholders para ti barrio high schools.
Maiparit pay kadagiti DepEd personnel nga agsolicit wenno agkolekta ti kontribusyon kasaruno ti Deped Order No. 49 series of 2022 wenno Promotions of Professionalism in the Implementation and Delivery of Basic Education and Programs and Services.
