Pinasingkedan ti Department of Education (DepEd) a rugianda nga agiruar ti P20,000 Service Recognition Incentives para kadagiti teaching ken non-teaching staff inton December 20, 2024.
Segun ti DepEd, kasaruno ti pannakairuar ti DBM Circular Letter ken maysa a DepEd Memorandum on Fiscal Year 2024 SRI, ti pondo ti SRI ket maidownload kadagiti Regional Offices inton December 20, 2024 para iti napaspas a pannakaiwarasna.
Pinasingkedan ni Education Secretary Sonny Angara a dayta ket historic moment para ti DepEd kagiddan ti panangipaay ti kangatoan nga SRI iti workplace.
Nagyaman ti DepEd iti napaspas a suportar ni President Ferdinand Marcos Jr. para iti pagsayaatan dagiti mangisursuro ken staff a nagserbi a backbone iti education sector.
Nagyaman pay ni Angara ken ni DBM Secretary Amenah Pangandaman iti pannakipagtrabahoda iti DepEd tapno maipaay ti insentibo.
