Nagpirma ti Department of Education (DepEd) ken Land Bank of the Philippines (LBP) iti katulagan nga agtitinnulongda a mangtarimaan kadagiti classroom a naapektaran iti didigra.
Indauluan da Education Secretary Sonny Angara ken LBP President Lynette Ortiz ti pannakapirma ti memorandum of agreement (MOA).
Iti nasao a katulagan, mangilatang ti LBP iti P500,000 para iti sangapulo ket dua a pagadalan para iti pannakasimpad para iti uneg ti dua a tawen.
Inbingay pay ni Ortiz a nangikontribusion ti LBP iti kanayonan a P1 milion a pondo para iti pannakaibangon dagiti napili a pagadalan.
Nakailanad pay ti MOA a dagiti Schools Division Offices (SDOs) ti mangimaton iti panagtungpal kadagiti pagannurutan ti gobierno ken ti pannakaituloy ti edukasion bayat a madama ti pannakasimpa dagiti pagadalan.
