Target ti Department of Education a manglukat ti nasurok 65, 000 a baro a teaching ken non-teaching personnel position kadagiti pampubliko a pagadalan ita a tawen.
Segun ken ni Education Secretary Sonny Angara, daytoy ket gapu ti nailatang a P15.4 bilyon a pondo tapno mapaada ti 65, 814 a baro a posision para kadagiti mangisursuro.
Ti dakkel nga alokasion ket gagemna a masungbatan ti agtultuloy a kinakurang dagiti mangisursuro ken dadduma pay nga opisial ti sektor ti edukasion.
Kalaksidan daytoy ket gagem pay ti ahensia a mapasayaat dagiti serbisio a pang-edukasion kadagiti lugar a kurang ti aniaman a klase ti programa ken suporta.
Innayon pay ni Angara nga adda naan-anay a bilang dagiti indibidwal gapu ta adu ti pimmasa iti Licensure Examination for Teachers para kadagiti baro a posision. Reynand Fontejon
