Madanagan ti Department of Agriculture (DA) iti posible nga epekto ti kumarkaru a riribok iti nagbaetan iti Amerika ken Iran iti sektor iti agrikultura iti pagilian.
Segun ken ni Agriculture Secretary Francisco Tiu Laurel Jr. posible nga agresulta iti nakaru a panag-ngina ti presyo ti langis ti tensyon a direkta a makaapektar iti gatad ti petroleum-based fertilizers, freight costs, ken fuel para iti farm machinery ken bangka a pangkalap.
Pinasingkedanna pay ti Strait of Hormus, a pagpagnaan dagiti dakkel a paset ti suplay ti langis iti lubong, aniaman a disruption iti dayta ket mabalin a mangpangina iti global crude prices ken agresulta iti colatility iti commodity supply chains.
Innayon ti sekretaryo a kas import-dependent ti agricultural system iti Pilipinas ket posible a ngumato ti gastos iti fertilizer, wheat, ken animal feed a makaapektar iti presyo iti tinapay, manok ken baboy.
Agtultuloy ti panagbantay ti DA tapno masalakniban ti food security ken mabalanse ti pagsayaatan dagiti producers ken consumers.
