Nakaawiden iti pagilian ni Pres. Ferdinand Marcos Jr. kalpasan iti uppat nga aldaw nga state visit-na idiay Japan.
Eksakto a 6:19 idi rabii idi simmangpet ti presidente ken Philippine delegation iti Villamor Airbase, Pasay City.
Segun ti presidente, highly productive ke constructive iti panagbisitana idiay Japan gapu kadagiti naselyuan a tulagan ken investments.
Karaman kadagiti naiyawid ti presidente iti panagpangato ti lebel ti relasyon iti Pilipinas ken Japan iti Comprehensive Strategic Partnership, panagrugi iti negosasion para iti nalawlawa a tulagan iti depensa iti seguridad ken suportar iti Japan iti kandidatura iti Pilipinas iti United Nations Security Council.
Pinirmaan pay dagiti dua a pagilian dagiti tulagan iti panangliklik ti double taxation, agrikultura ken panagkalap, salun-at ken human resource development.
Nakayawid pay ti presidente iti nasurok-kumurang US$3.4 billion a gatad iti investment pledges ken business commitments, a manamnama a mangpartuat iti nasurok 10,000 trabaho para kadagiti Pilipino.
