Iti selebrasion ti maika -124 nga anibersaryo ti Labor Day ket binigbig ni TRABAHO Partylist Rep. Johanne Bautista ti napateg nga akem dagiti mangmangged a Pilipino.
Pinasingkedan ni Bautista a saan a masubadan ti rigat ti tunggal mangmangged iti panangpapigsa ti ekonomiya, kangrunaan iti tengnga ti krisis a mapaspasaran iti agdama.
Impaganetget ti agpampanday linteg a ti pundasion ti pagilian ket agpannuray iti kinagaget ken dedikasion dagiti mangmangged.
Dakkel ti kontribusion da iti agduduma a sektor kas ti agrikultura, industriya, serbisio, kasta met dagiti overseas Filipino workers.
Kas paset ti adbokasia ni Bautista, insingasing na ti House Bill 4431 wenno Wage Tax Adjustment for Growth and Equity (WAGE) Bill a gagem na a mangted ti napaot a solusion iti kumarkaro nga epekto ti inflation ken ngumatngato a gastos para iti inaldaw a panagbiag.
