VIGAN CITY – Naideklarar ti Davao City kas maikadua a “safest city” iti Southeast Asia iti Numbeo Southeast Asia: Safety Index for 2023 nga addaan iti 72.4 a safety index score.
Umuna ti Chiang Mai City idiay Thailand babaen ti 72.5 ken maikatlo ti Singapore babaen ti 70.8.
Maikapat agingga iti maika-sangapulo a puesto ti Penang City, Malaysia iti listaan; Hanoi, Vietnam; Makati City, Philippines; Bangkok, Thailand; Iloilo City, Philippines; Pattaya, Thailand; ken Bali, Indonesia.
Ti safety index ket naibasar ti general crime level iti maysa a siudad wenno pagilian, ken tapno masigurado ti statistical reliability, mapili ti siudad basar iti kaadda ti minimum number dagiti contributors.
Segun ti Numbeo Southeast Asia a nakagun-od ti 65.4 ken 63.2 a crime index ti Manila ken Quezon City; maikatlo ken maikapat ti Kuala Lumpur ken Klang iti Malaysia.
Maikalima agingga iti maika-sangapulo ti Phnom Penh City, Cambodia; Johor Bahru, Malaysia; Jakarta, Indonesia; Ho Chi Minh, Vietnam; Cebu City, Philippine; ken Petaling Jaya idiay Malaysia.
Naala ti material manipud kadagiti survey iti website ti Numbeo, babaen ti panangusar kadagiti questionnaires a naaramid kas iti scientific ken government surveys.
