Iti umuna nga aldaw pay laeng iti panagdenggeg ket pormalen a nangiruar ti subpoena ti House Committee on Justice tapno pwersaen nga ipasa dagiti Statement of Assets, Liabilities and Net Worth ni Vice President Sara Duterte karaman ti rekord iti imbestigasyon maipanggep ti mapapati a panagpangtana iti biang ti First Family.
Iti botos a tallopulo ket uppat a pimmabor, maysa ti lapped ken awan ti abstention ket pinatibker ti komite ti mosyon ni House Committee on Good Government and Public Accountability Chairperson ken Manila Third District Rep. Joel Chua.
Gagem ti mosyon a mangiruar ti subphoena duces tecum iti Office of the Ombudsman nga opisyal a mangan-annad kadagiti nasao a dokumento.
Sakup ti suphoena dagiti SALN ni Duterte idi mayor pay laeng idiay Davao City manipod 2007 agingga 2013 ken 2016 agingga 2022, karamanen iti agdama a SALN-na kas vice president manipod 2022 agingga 2025.
Ti addang ket kagiddan ti panagdenggeg ti komite tapno bigbigen no adda probable cause ti sangsangwen nga impeachment complaint ti bise presidente.
