Inamin ni dati nga Special Disbursing Officer (SDO) Gina Acosta a nakasanayandan idiay Davao City ken iti Office of the Vice President (OVP) ti panangted iti confidential funds iti maysa a security officer.
Kwinestyon ni Atty. Amando Ligutan no modus operandi kadi idiay Davao City ken iti OVP nga ited ti confidential funds iti security officer a saan a bonded ken maibabawi ti acknowledgement receipt a pammaneknek koma iti panangawat ti pondo.
Kinumpirmaran ni Acosta iti impeachment court nga awan iti iggemna nga acknowledgement receipts wenno aniaman a dokumento a mangpaneknek nga inawat ni dati nga OVP security officer Col. Raymund Dante Lachica ti confidential fund idi 2022 agingga 2023 ta imbabawi wenno innala ni Lachica.
Kinuna ni Acosta nga innala ti security officer-da dagiti ARs kalpasan a nagipasa isuna ti liquidation report iti Commission on Audit (COA).
No pay kasta, kinontra ni Presiding Officer Chiz Escudero ti panagsaludsod ni Ligutan ta adda double meaning ti modus operandi.
